Implantet dentare shërbejnë si mënyra më e mirë për zëvendësimin e dhëmbëve të munguar, në mënyrë që kenë ndjeshmëri dhe funksion të njejtë si dhëmbët natyralë. Ato rikthejnë buzëqeshjen dhe aftësinë e përtypjes. Implantet dentare përbëhen nga titanium dhe vendosen brenda në kockë, në vendin e dhëmbit të munguar, duke parandaluar kështu humbje të mëtejshme të kockës së nofullës.

Fasetat E-max janë shtresëza të holla prej qeramike, të vendosura në pjesën sipërfaqësore të dhëmbëve të përparmë. Ato përdoren kryesisht për të korrigjuar dhëmbë të copëzuar, të njollosur apo të ngjeshur. Çdo fasetë është e personalizuar për çdo individ dhe përbëhet nga materiale që i ngjasojnë zmaltit natyral të dhëmbëve, duke përmirësuar pamjen dhe funksionin e tyre.

Dhëmbët e ngjeshur, me hapësira mes tyre mund të drejtohen më së miri nëpërmjet Ortodoncisë. Ato nuk janë thjesht problem estetik, por mund të shkaktojnë dhe infeksione. Nëpërmjet aparateve ortodontike, ju do të mund të ulni shfaqjen e kavitetit, përmirësoni kafshimin, reduktoni dhimbje të nofullës, përmirësoni shëndetin oral dhe të perfeksiononi buzëqeshjen tuaj. Tashmë, keni shumë mundësi zgjedhjeje duke nisur nga aparatet tradicionale si telat deri tek ato të padukshme si Invisalign.

Nëse keni dhimbje të padëshiruar dhëmbi dhe keni nevojë për rregullime të kanalit të rrënjës, mos u shqetësoni. Dhimbjet e dhëmbit mund të shkaktohen nëse ka diçka që nuk shkon me indin e pulpës brenda rrënjës së dhëmbit. Trajtimi i kanaleve të rrënjëve mund të heqë jo vetëm infeksionin dhe dhimbjen - por gjithashtu mund të shpëtojë dhëmbin tuaj. Me vendosjen e një mbushjeje antibakteriale dhe një kurore, dhëmbi mund të duket njejtë si i ri. Kjo procedurë është plotësisht pa dhimbje dhe shqetësime të mëtejshme.

Mbushjet përdoren për të riparuar një dhëmb të prekur nga fraktura, copëzime, prishje ose probleme të tjera që mund të ndikojnë në pjesën strukturore të dhëmbit, duke shkaktuar humbjen e forcës së tij. Gjatë procedurës së mbushjes së një dhëmbi, pjesa e prishur ose e prekur e dhëmbit hiqet dhe më pas zëvendësohet me një mbushje dentare. Këto lloj mbushjesh, përshtaten më së miri me ngjyrën e dhëmbëve ekzistues duke rikthyer buzëqeshjen ideale.

Me kalimin e viteve, dhëmbët pësojnë njollime të grumbulluara nga konsumi i kafesë, çajit, verës apo nga ndikimi i disa ilaçeve. Metoda e zbardhimit funksionon duke eksfoliuar këto lloj njollash për t'i dhënë dhëmbëve tuaj një ngjyrë të bardhë plot shkëlqim. Zbardhimi i dhëmbëve me lazer është shumë efektiv, me rezultate të menjëhershme për dhëmbë super të ndritshëm.

Për riparimin e dhëmbëve të kalbuar apo të dëmtuar përdoren kurora dhe këllëfë prej materialeve të ndryshme si: aliazhe floriri, argjendi, porcelani ose zirkoni për ta bërë buzëqeshjen të duket si e re. Kjo teknikë është jashtëzakonisht e besueshme për të rregulluar dhe dëmtimet më të rënda të dhëmbëve duke përfshirë zëvendësimin e përhershëm të dhëmbëve që mungojnë për një buzëqeshje më të plotë dhe një kafshim funksional. Kurorat dhe këllëfët zgjasin deri në 20 vjet dhe qëllimi ynë është t'i bëjmë ato të duken dhe të ndjehen sa më shumë si dhëmbët tuaj natyralë.

Mbushjet Inlay dhe Onlay janë një formë restaurimi jo e drejtpërdrejtë. Ato krijohen si një pjesë restorative e vetme, e fortë e që i përshtatet madhësisë dhe formës specifike të një dhëmbi. Më pas, kjo pjesë restorative fiksohet në gojë, në vendin e posaçëm. Sot, mbushjet inlay mund të bëhen nga materiale me ngjyrën e dhëmbit si p.sh. porcelani. Dhëmbët apo dhëmballët e dëmtuara mund të zëvendësohen me inlay njejtë me ngjyrën e dhëmbit duke i shtuar atij fuqinë dhe duke u përputhur plotësisht me të.

Duke shërbyer si zëvendësim i një dhëmbi të vetëm ose i një hapësire, një urë dentare është një pajisje e personalizuar që lidhet me dhëmbët fqinjë, e përdorur për pacientë që nuk mund të kryejnë implante. Me vendosjen e një ure bëhet vendosja e kurorave në të dyja anët e hapësirës boshe për të shërbyer si mbajtëse për dhëmbin zëvendësues. Nëpërmjet kësaj procedure, kryhet lidhja e urës me dhëmbët natyralë që rrethojnë zonën e dhëmbit që mungon, duke krijuar një buzëqeshje më të plotë e të bukur.